آج رو کر تو دکھائے کوئی ایسا رونا — احمد مشتاق
شاعر
آج رو کر تو دکھائے کوئی ایسا رونا
آج رو کر تو دکھائے کوئی ایسا رونا
یاد کر اے دل خاموش وہ اپنا رونا
رقص کرنا کبھی خوابوں کے شبستانوں میں
کبھی یادوں کے ستونوں سے لپٹنا رونا
تجھ سے سیکھے کوئی رونے کا سلیقہ اے ابر
کہیں قطرہ نہ گرانا کہیں دریا رونا
رسم دنیا بھی وہی راہ تمنا بھی وہی
وہی مل بیٹھ کے ہنسنا وہی تنہا رونا
یہ ترا طور سمجھ میں نہیں آیا مشتاقؔ
کبھی ہنستے چلے جانا کبھی اتنا رونا
احمد مشتاق
Aaj ro kar to dikhaye koi aisa rona
Aaj ro kar to dikhaye koi aisa rona
Yaad kar aye dil-e-khamosh woh apna rona
Raqs karna kabhi khwabon ke shabistanon mein
Kabhi yaadon ke sutoonon se lipatna rona
Tujh se seekhe koi rone ka saleeqa aye abr
Kahin qatra na girana kahin darya rona
Rasm-e-duniya bhi wahi rah-e-tamanna bhi wahi
Wahi mil baith ke hansna wahi tanha rona
Ye tera taur samajh mein nahin aaya Mushtaq!
Kabhi hanste chale jaana kabhi itna rona
شاعر کے بارے میں
احمد مشتاق یکم مارچ 1933ء کو امرتسر، برطانوی ہندوستان میں پیدا ہوئے۔ تقسیمِ ہند کے بعد وہ پاکستان ہجرت کر گئے جہاں کچھ عرصہ لاہور میں مقیم رہے، بعد...
مکمل تعارف پڑھیں