ٹوٹ گیا ہوا کا زور سیل بلا اتر گیا — احمد مشتاق
شاعر
ٹوٹ گیا ہوا کا زور سیل بلا اتر گیا
ٹوٹ گیا ہوا کا زور سیل بلا اتر گیا
سنگ و کلوخ رہ گئے لہر گئی بھنور گیا
وہ بھی عجیب دور تھا دل کا چلن ہی اور تھا
شام ہوئی تو جی اٹھا صبح ہوئی تو مر گیا
کس کے بندھے ہوئے تھے ہم دامن ماہتاب سے
ہم بھی ادھر ادھر گئے چاند جدھر جدھر گیا
کتنے رفیق و ہم سفر جن کی ملی نہ کچھ خبر
کس کے قدم اٹھے کدھر کون کہاں پسر گیا
بجھ گئی رونق بدن اڑ گیا رنگ پیرہن
جان امیدوار من وقت بہت گزر گیا
احمد مشتاق
Toot gaya hawa ka zor, sail-e-bala utar gaya
Toot gaya hawa ka zor, sail-e-bala utar gaya
Sang-o-kaloakh reh gaye, lehr gayi bhanwar gaya
Woh bhi ajab daur tha, dil ka chalan hi aur tha
Shaam hui to jee utha, subh hui to mar gaya
Kis ke bandhe hue the hum daman-e-mahtab se
Hum bhi idhar udhar gaye, chand jidhar jidhar gaya
Kitne rafeeq-o-hamsafar jin ki mili na kuch khabar
Kis ke qadam uthe kidhar, kaun kahan pasar gaya
Bujh gayi raunaq-e-badan, uṛ gaya rang-e-pairahan
Jaan-e-ummidwar-e-man, waqt bahut guzar gaya
شاعر کے بارے میں
احمد مشتاق یکم مارچ 1933ء کو امرتسر، برطانوی ہندوستان میں پیدا ہوئے۔ تقسیمِ ہند کے بعد وہ پاکستان ہجرت کر گئے جہاں کچھ عرصہ لاہور میں مقیم رہے، بعد...
مکمل تعارف پڑھیں