عجب نہیں کبھی نغمہ بنے فغاں میری — احمد مشتاق
شاعر
عجب نہیں کبھی نغمہ بنے فغاں میری
عجب نہیں کبھی نغمہ بنے فغاں میری
مری بہار میں شامل ہے اب خزاں میری
میں اپنے آپ کو اوروں میں رکھ کے دیکھتا ہوں
کہیں فریب نہ ہوں درد مندیاں میری
میں اپنی قوت اظہار کی تلاش میں ہوں
وہ شوق ہے کہ سنبھلتی نہیں زباں میری
یہی سبب ہے کہ احوال دل نہیں کہتا
کہوں تو اور الجھتی ہیں گتھیاں میری
میں اپنے عجز پہ نادم نہیں ہوں ہم سخنو
ہزار شکر طبیعت نہیں رواں میری
احمد مشتاق
Ajab nahin kabhi naghma bane faghan meri
Ajab nahin kabhi naghma bane faghan meri
Meri bahar mein shamil hai ab khizan meri
Main apne aap ko auron mein rakh ke dekhta hoon
Kahin fareb na hon dard-mandiyan meri
Main apni quwwat-e-izhar ki talash mein hoon
Woh shauq hai ke sambhalti nahin zaban meri
Yahi sabab hai ke ahwal-e-dil nahin kehta
Kahun to aur ulajhti hain gutthiyan meri
Main apne ajz pe nadim nahin hoon hum-sukhano
Hazar shukr tabiyat nahin rawan meri
شاعر کے بارے میں
احمد مشتاق یکم مارچ 1933ء کو امرتسر، برطانوی ہندوستان میں پیدا ہوئے۔ تقسیمِ ہند کے بعد وہ پاکستان ہجرت کر گئے جہاں کچھ عرصہ لاہور میں مقیم رہے، بعد...
مکمل تعارف پڑھیں