مسلسل یاد آتی ہے چمک چشم غزالاں کی — احمد مشتاق
شاعر
مسلسل یاد آتی ہے چمک چشم غزالاں کی
مسلسل یاد آتی ہے چمک چشم غزالاں کی
اکیلی ذات ہے اور رات ہے جنگل بیاباں کی
ذرا دیکھو ہوائے صبح کیسے کھینچ لائی ہے
اکیلی پنکھڑی میں دل کشی سارے گلستاں کی
انہیں گلیوں میں کھلتے تھے ملاقاتوں کے دروازے
انہیں گلیوں میں چلتی ہیں ہوائیں شام ہجراں کی
کوئی ذرے کو ذرہ ہی سمجھ کر چھوڑ دیتا ہے
کسی کو سوجھتی ہے اس سے تعمیر بیاباں کی
یہ وہ موسم ہے جس میں کوئی پتا بھی نہیں ہلتا
دل تنہا اٹھاتا ہے صعوبت شام ہجراں کی
یہی کافی ہے دل سے مدتوں کا بوجھ تو اترا
چلو اس چشم گریاں نے کوئی مشکل تو آساں کی
ستارے درد کی آواز سے غافل نہیں رہتے
دم آہو سے روشن مشعلیں ریگ بیاباں کی
احمد مشتاق
Musalsal yaad aati hai chamak chashm-e-ghazalan ki
Musalsal yaad aati hai chamak chashm-e-ghazalan ki
Akeli zaat hai aur raat hai jangal-o-biyaban ki
Zara dekho hawa-e-subh kaise kheench laayi hai
Akeli pankhaṛi mein dilkashi saare gulistan ki
Inheen galiyon mein khulte the mulaqaton ke darwaze
Inheen galiyon mein chalti hain hawain sham-e-hijran ki
Koi zarre ko zarra hi samajh kar chhod deta hai
Kisi ko soojhti hai us se tameer-e-biyaban ki
Yeh woh mausam hai jis mein koi patta bhi nahin hilta
Dil tanha uṭhata hai sa'oobat-e-sham-e-hijran ki
Yahi kaafi hai dil se muddatoN ka bojh toh utra
Chalo us chashm-e-giryan ne koi mushkil toh aasaan ki
Sitaare dard ki aawaz se ghafil nahin rehte
Dam-e-aahoo se raushan mash'alein reg-e-biyaban ki
شاعر کے بارے میں
احمد مشتاق یکم مارچ 1933ء کو امرتسر، برطانوی ہندوستان میں پیدا ہوئے۔ تقسیمِ ہند کے بعد وہ پاکستان ہجرت کر گئے جہاں کچھ عرصہ لاہور میں مقیم رہے، بعد...
مکمل تعارف پڑھیں