اب نہ بہل سکے گا دل اب نہ دیئے جلائیے — احمد مشتاق
شاعر
اب نہ بہل سکے گا دل اب نہ دیئے جلائیے
اب نہ بہل سکے گا دل اب نہ دیئے جلائیے
عشق و ہوس ہیں سب فریب آپ سے کیا چھپائیے
اس نے کہا کہ یاد ہیں رنگ طلوع عشق کے
میں نے کہا کہ چھوڑیئے اب انہیں بھول جائیے
کیسے نفیس تھے مکاں صاف تھا کتنا آسماں
میں نے کہا کہ وہ سماں آج کہاں سے لائیے
کچھ تو سراغ مل سکے موسم درد ہجر کا
سنگ جمال یار پر نقش کوئی بنائیے
کوئی شرر نہیں بچا پچھلے برس کی راکھ میں
ہم نفسان شعلہ خو آگ نئی جلائیے
احمد مشتاق
Ab na behal sakega dil ab na diye jalaiye
Ab na behal sakega dil ab na diye jalaiye
Ishq-o-hawas hain sab fareb aap se kya chhupaiye
Us ne kaha ke yaad hain rang-e-tulu-e-ishq ke
Main ne kaha ke chhodiye ab unhen bhool jaaiye
Kaise nafees the makan saaf tha kitna aasman
Main ne kaha ke wo samaan aaj kahan se laaiye
Kuchh to suragh mil sake mausam-e-dard-e-hijr ka
Sang-e-jamal-e-yar par naqsh koi banaiye
Koi sharar nahin bacha pichhle baras ki raakh mein
Ham-nafsan shola-kho aag nayi jalaiye
شاعر کے بارے میں
احمد مشتاق یکم مارچ 1933ء کو امرتسر، برطانوی ہندوستان میں پیدا ہوئے۔ تقسیمِ ہند کے بعد وہ پاکستان ہجرت کر گئے جہاں کچھ عرصہ لاہور میں مقیم رہے، بعد...
مکمل تعارف پڑھیں