اب وہ گلیاں وہ مکاں یاد نہیں — احمد مشتاق
شاعر
اب وہ گلیاں وہ مکاں یاد نہیں
اب وہ گلیاں وہ مکاں یاد نہیں
کون رہتا تھا کہاں یاد نہیں
جلوۂ حسن ازل تھے وہ دیار
جن کے اب نام و نشاں یاد نہیں
کوئی اجلا سا بھلا سا گھر تھا
کس کو دیکھا تھا وہاں یاد نہیں
یاد ہے زینۂ پیچاں اس کا
در و دیوار مکاں یاد نہیں
یاد ہے زمزمۂ ساز بہار
شور آواز خزاں یاد نہیں
احمد مشتاق
Ab woh galiyan woh makaan yaad nahin
Ab woh galiyan woh makaan yaad nahin
Kaun rahta tha kahan yaad nahin
Jalwa-e-husn-e-azal the woh dayar
Jin ke ab naam-o-nishaan yaad nahin
Koi ujla sa bhala sa ghar tha
Kis ko dekha tha wahan yaad nahin
Yaad hai zeena-e-peechaan us ka
Dar-o-deewar-e-makaan yaad nahin
Yaad hai zamzama-saz-e-bahar
Shor-e-aawaz-e-khizaan yaad nahin
شاعر کے بارے میں
احمد مشتاق یکم مارچ 1933ء کو امرتسر، برطانوی ہندوستان میں پیدا ہوئے۔ تقسیمِ ہند کے بعد وہ پاکستان ہجرت کر گئے جہاں کچھ عرصہ لاہور میں مقیم رہے، بعد...
مکمل تعارف پڑھیں