بہت رک رک کے چلتی ہے ہوا خالی مکانوں میں — احمد مشتاق
شاعر
بہت رک رک کے چلتی ہے ہوا خالی مکانوں میں
بہت رک رک کے چلتی ہے ہوا خالی مکانوں میں
بجھے ٹکڑے پڑے ہیں سگریٹوں کے راکھ دانوں میں
دھوئیں سے آسماں کا رنگ میلا ہوتا جاتا ہے
ہرے جنگل بدلتے جا رہے ہیں کارخانوں میں
بھلی لگتی ہے آنکھوں کو نئے پھولوں کی رنگت بھی
پرانے زمزمے بھی گونجتے رہتے ہیں کانوں میں
وہی گلشن ہے لیکن وقت کی پرواز تو دیکھو
کوئی طائر نہیں پچھلے برس کے آشیانوں میں
زبانوں پر الجھتے دوستوں کو کون سمجھائے
محبت کی زباں ممتاز ہے ساری زبانوں میں
احمد مشتاق
Bahut ruk ruk ke chalti hai hawa khaali makanon mein
Bahut ruk ruk ke chalti hai hawa khaali makanon mein
Bujhe tukde pade hain sigareton ke raakh danon mein
Dhuen se aasman ka rang maila hota jaata hai
Hare jangal badalte ja rahe hain karkhanon mein
Bhali lagti hai aankhon ko naye phoolon ki rangat bhi
Purane zamzame bhi goonjte rehte hain kanon mein
Wahi gulshan hai lekin waqt ki parwaz to dekho
Koi tair nahin pichhle baras ke aashiyanon mein
Zabanon par ulajhte doston ko kaun samjhaye
Mohabbat ki zaban mumtaz hai saari zabanon mein
شاعر کے بارے میں
احمد مشتاق یکم مارچ 1933ء کو امرتسر، برطانوی ہندوستان میں پیدا ہوئے۔ تقسیمِ ہند کے بعد وہ پاکستان ہجرت کر گئے جہاں کچھ عرصہ لاہور میں مقیم رہے، بعد...
مکمل تعارف پڑھیں