برس کر کھل گیا ابر خزاں آہستہ آہستہ — احمد مشتاق
شاعر
برس کر کھل گیا ابر خزاں آہستہ آہستہ
برس کر کھل گیا ابر خزاں آہستہ آہستہ
ہوا میں سانس لیتے ہیں مکاں آہستہ آہستہ
بہت عرصہ لگا رنگ شفق معدوم ہونے میں
ہوا تاریک نیلا آسماں آہستہ آہستہ
کہیں پتوں کے اندر دھیمی دھیمی سرسراہٹ ہے
ابھی ہلنے لگیں گی ڈالیاں آہستہ آہستہ
جہاں ڈالے تھے اس نے دھوپ میں کپڑے سکھانے کو
ٹپکتی ہیں ابھی تک رسیاں آہستہ آہستہ
سماعت میں ابھی تک آہٹوں کے پھول کھلتے ہیں
کوئی چلتا ہے دل کے درمیاں آہستہ آہستہ
بدل جائے گا موسم درد کی شاخ برہنہ میں
نکلتی آ رہی ہیں پتیاں آہستہ آہستہ
احمد مشتاق
Baras kar khul gaya abr-e-khizan aahista aahista
Baras kar khul gaya abr-e-khizan aahista aahista
Hawa mein saans lete hain makan aahista aahista
Bahut arsa laga rang-e-shafaq maadum hone mein
Hua tareek neela aasmaan aahista aahista
Kahin patton ke andar dheemi dheemi sarsarahat hai
Abhi hilne lagen gi daaliyan aahista aahista
Jahan daale the us ne dhoop mein kapde sukhane ko
Tapakti hain abhi tak rassiyan aahista aahista
Samaat mein abhi tak aahaton ke phool khilte hain
Koi chalta hai dil ke darmiyan aahista aahista
Badal jayega mausam dard ki shakh-e-barahna mein
Nikalti aa rahi hain pattiyan aahista aahista
شاعر کے بارے میں
احمد مشتاق یکم مارچ 1933ء کو امرتسر، برطانوی ہندوستان میں پیدا ہوئے۔ تقسیمِ ہند کے بعد وہ پاکستان ہجرت کر گئے جہاں کچھ عرصہ لاہور میں مقیم رہے، بعد...
مکمل تعارف پڑھیں