بہتا آنسو ایک جھلک میں کتنے روپ دکھائے گا — احمد مشتاق
شاعر
بہتا آنسو ایک جھلک میں کتنے روپ دکھائے گا
بہتا آنسو ایک جھلک میں کتنے روپ دکھائے گا
آنکھ سے ہو کر گال بھگو کر مٹی میں مل جائے گا
بھولنے والے! وقت کے ایوانوں میں کون ٹھہرتا ہے
بیتی شام کے دروازے پر کس کو بلانے آئے گا
آنکھ مچولی کھیل رہا ہے اک بدلی سے اک تارا
پھر بدلی کی یورش ہوگی پھر تارا چھپ جائے گا
اندھیارے کے گھور نگر میں ایک کرن آباد ہوئی
کس کو خبر ہے پہلا جھونکا کتنے پھول کھلائے گا
پھر اک لمحہ آن رکا ہے وقت کے سونے صحرا میں
پل بھر اپنی چھب دکھلا کر لمحوں میں مل جائے گا
احمد مشتاق
Behta aansu ek jhalak mein kitne roop dikhayega
Behta aansu ek jhalak mein kitne roop dikhayega
Aankh se ho kar gaal bhigo kar mitti mein mil jaayega
Bhoolne wale! Waqt ke aiwanon mein kaun theharta hai
Beeti shaam ke darwaze par kis ko bulane aayega
Aankh macholi khel raha hai ek badli se ek tara
Phir badli ki yurish hogi phir tara chhup jaayega
Andhiyare ke ghoor nagar mein ek kiran aabaad hui
Kis ko khabar hai pehla jhonka kitne phool khilayega
Phir ek lamha aan ruka hai waqt ke soone sehra mein
Pal bhar apni chhab dikhla kar lamhon mein mil jaayega
شاعر کے بارے میں
احمد مشتاق یکم مارچ 1933ء کو امرتسر، برطانوی ہندوستان میں پیدا ہوئے۔ تقسیمِ ہند کے بعد وہ پاکستان ہجرت کر گئے جہاں کچھ عرصہ لاہور میں مقیم رہے، بعد...
مکمل تعارف پڑھیں