بھولے بسرے موسموں کے درمیاں رہتا ہوں میں — احمد مشتاق
شاعر
بھولے بسرے موسموں کے درمیاں رہتا ہوں میں
بھولے بسرے موسموں کے درمیاں رہتا ہوں میں
اب جہاں کوئی نہیں رہتا وہاں رہتا ہوں میں
دن ڈھلے کرتا ہوں بوڑھی ہڈیوں سے ساز باز
جب تلک شب ڈھل نہیں جاتی جواں رہتا ہوں میں
کیا خبر ان کو بھی آتا ہو کبھی میرا خیال
کن ملالوں میں ہوں کیسا ہوں کہاں رہتا ہوں میں
جگمگاتے جاگتے شہروں میں رہتا ہوں ملول
سوئی سوئی بستیوں میں شادماں رہتا ہوں میں
بوتا رہتا ہوں ہوا میں گم شدہ نغموں کے بیج
وہ سمجھتے ہیں کہ مصروف فغاں رہتا ہوں میں
احمد مشتاق
Bhoole bisre mausmon ke darmiyan rehta hoon main
Bhoole bisre mausmon ke darmiyan rehta hoon main
Ab jahan koi nahin rehta wahan rehta hoon main
Din dhale karta hoon boodhi haddiyon se saaz baaz
Jab talak shab dhal nahin jaati jawan rehta hoon main
Kya khabar un ko bhi aata ho kabhi mera khayal
Kin malaalon mein hoon kaisa hoon kahan rehta hoon main
Jagmagate jaagte shahron mein rehta hoon malool
Soyi soyi bastiyon mein shadmaan rehta hoon main
Bota rehta hoon hawa mein gumshuda naghmon ke beej
Woh samajhte hain ke masroof-e-fughan rehta hoon main
شاعر کے بارے میں
احمد مشتاق یکم مارچ 1933ء کو امرتسر، برطانوی ہندوستان میں پیدا ہوئے۔ تقسیمِ ہند کے بعد وہ پاکستان ہجرت کر گئے جہاں کچھ عرصہ لاہور میں مقیم رہے، بعد...
مکمل تعارف پڑھیں