چمک دمک پہ نہ جاؤ کھری نہیں کوئی شے — احمد مشتاق
شاعر
چمک دمک پہ نہ جاؤ کھری نہیں کوئی شے
چمک دمک پہ نہ جاؤ کھری نہیں کوئی شے
سوائے شاخ تمنا ہری نہیں کوئی شے
دل گداز و لب خشک و چشم تر کے بغیر
یہ علم و فضل یہ دانش وری نہیں کوئی شے
تو پھر یہ کشمکش دل کہاں سے آئی ہے
جو دل گرفتگی و دلبری نہیں کوئی شے
عجب ہیں وہ رخ و گیسو کہ سامنے جن کے
یہ صبح و شام کی جادوگری نہیں کوئی شے
ملال سایۂ دیوار یار کے آگے
شب طرب تری نیلم پری نہیں کوئی شے
جہان عشق سے ہم سرسری نہیں گزرے
یہ وہ جہاں ہے جہاں سرسری نہیں کوئی شے
تری نظر کی گلابی ہے شیشۂ دل میں
کہ ہم نے اور تو اس میں بھری نہیں کوئی شے
احمد مشتاق
Chamak damak pe na jao khari nahin koi shai
Chamak damak pe na jao khari nahin koi shai
Siwa-e-shakh-e-tamanna hari nahin koi shai
Dil-gudaz o lab-khushk o chashm-e-tar ke baghair
Yeh ilm o fazl yeh danishwari nahin koi shai
To phir yeh kashmakash-e-dil kahan se aayi hai
Jo dil-giriftagi o dilbari nahin koi shai
Ajab hain woh rukh o gesu ke saamne jin ke
Yeh subah o shaam ki jadugari nahin koi shai
Malal saya-e-deewar-e-yar ke aage
Shab-e-tarab teri neelam-pari nahin koi shai
Jahan-e-ishq se hum sarsari nahin guzre
Yeh woh jahan hai jahan sarsari nahin koi shai
Teri nazar ki gulabi hai sheesha-e-dil mein
Ke hum ne aur to us mein bhari nahin koi shai
شاعر کے بارے میں
احمد مشتاق یکم مارچ 1933ء کو امرتسر، برطانوی ہندوستان میں پیدا ہوئے۔ تقسیمِ ہند کے بعد وہ پاکستان ہجرت کر گئے جہاں کچھ عرصہ لاہور میں مقیم رہے، بعد...
مکمل تعارف پڑھیں