چاند بھی نکلا ستارے بھی برابر نکلے — احمد مشتاق
شاعر
چاند بھی نکلا ستارے بھی برابر نکلے
چاند بھی نکلا ستارے بھی برابر نکلے
مجھ سے اچھے تو شب غم کے مقدر نکلے
شام ہوتے ہی برسنے لگے کالے بادل
صبح دم لوگ دریچوں میں کھلے سر نکلے
کل ہی جن کو تری پلکوں پہ کہیں دیکھا تھا
رات اسی طرح کے تارے مری چھت پر نکلے
دھوپ ساون کی بہت تیز ہے دل ڈوبتا ہے
اس سے کہہ دو کہ ابھی گھر سے نہ باہر نکلے
پیار کی شاخ تو جلدی ہی ثمر لے آئی
درد کے پھول بڑی دیر میں جا کر نکلے
دل ہنگامہ طلب یہ بھی خبر ہے تجھ کو
مدتیں ہو گئیں اک شخص کو باہر نکلے
احمد مشتاق
Chand bhi nikla sitare bhi barabar nikle
Chand bhi nikla sitare bhi barabar nikle
Mujh se achhe toh shab-e-gham ke muqaddar nikle
Shaam hote hi barsane lage kaale baadal
Subh-e-dam log dareechon mein khule sar nikle
Kal hi jin ko teri palkon pe kahin dekha tha
Raat isi tarah ke taare meri chhat par nikle
Dhoop saawan ki bahut tez hai dil doobta hai
Us se keh do ke abhi ghar se na bahar nikle
Pyaar ki shaakh toh jaldi hi samar le aayi
Dard ke phool badi der mein jaa kar nikle
Dil hangama talab yeh bhi khabar hai tujh ko
Muddaten ho gayin ek shakhs ko bahar nikle
شاعر کے بارے میں
احمد مشتاق یکم مارچ 1933ء کو امرتسر، برطانوی ہندوستان میں پیدا ہوئے۔ تقسیمِ ہند کے بعد وہ پاکستان ہجرت کر گئے جہاں کچھ عرصہ لاہور میں مقیم رہے، بعد...
مکمل تعارف پڑھیں