چشم و لب کیسے ہوں رخسار ہوں کیسے تیرے — احمد مشتاق
شاعر
چشم و لب کیسے ہوں رخسار ہوں کیسے تیرے
چشم و لب کیسے ہوں رخسار ہوں کیسے تیرے
ہم خیالوں میں بناتے رہے نقشے تیرے
تیرے ساونت کو سولی کی زباں چاٹ گئی
جسم ابھی گرم تھا اور بال تھے گیلے تیرے
کیا کہوں کیا ترے افسردہ دلوں پر گزری
کیسے تاراج ہوئے آئینہ خانے تیرے
اب کہاں دیکھنے والوں کو یقیں آئے گا
باغ جنت تھا بدن خواب تھے بوسے تیرے
احمد مشتاق
Chashm-o-lab kaise hon, rukhsar hon kaise tere
Chashm-o-lab kaise hon, rukhsar hon kaise tere
Hum khayalon mein banate rahe naqshe tere
Tere sawant ko sooli ki zaban chaat gayi
Jism abhi garam tha aur baal thhe geele tere
Kya kahun kya tere afsurda dilon par guzri
Kaise taaraaj hue aaina khane tere
Ab kahan dekhne walon ko yaqeen aayega
Bagh-e-jannat tha badan, khwab thhe bose tere
شاعر کے بارے میں
احمد مشتاق یکم مارچ 1933ء کو امرتسر، برطانوی ہندوستان میں پیدا ہوئے۔ تقسیمِ ہند کے بعد وہ پاکستان ہجرت کر گئے جہاں کچھ عرصہ لاہور میں مقیم رہے، بعد...
مکمل تعارف پڑھیں