چھٹ گیا ابر شفق کھل گئی تارے نکلے — احمد مشتاق
شاعر
چھٹ گیا ابر شفق کھل گئی تارے نکلے
چھٹ گیا ابر شفق کھل گئی تارے نکلے
بند کمروں سے ترے درد کے مارے نکلے
شاخ پر پنکھڑیاں ہوں کہ پلک پر آنسو
تیرے دامن کی جھلک دیکھ کے سارے نکلے
تو اگر پاس نہیں ہے کہیں موجود تو ہے
تیرے ہونے سے بڑے کام ہمارے نکلے
تیرے ہونٹوں میری آنکھوں سے نہ بدلی دنیا
پھر وہی پھول کھلے پھر وہی تارے نکلے
رہ گئی لاج مری عرض وفا کی مشتاقؔ
خامشی سے تری کیا کیا نہ اشارے نکلے
احمد مشتاق
Chhut gaya abr-e-shafaq khul gaye taare nikle
Chhut gaya abr-e-shafaq khul gaye taare nikle
Band kamron se tere dard ke maare nikle
Shaakh par pankhadiyan hon ke palak par aansoo
Tere daaman ki jhalak dekh ke saare nikle
Tu agar paas nahin hai kahin maujood toh hai
Tere hone se bade kaam hamaare nikle
Tere honton meri aankhon se na badli duniya
Phir wahi phool khile phir wahi taare nikle
Reh gayi laaj miri arz-e-wafa ki Mushtaq
Khamoshi se teri kya kya na ishaare nikle
شاعر کے بارے میں
احمد مشتاق یکم مارچ 1933ء کو امرتسر، برطانوی ہندوستان میں پیدا ہوئے۔ تقسیمِ ہند کے بعد وہ پاکستان ہجرت کر گئے جہاں کچھ عرصہ لاہور میں مقیم رہے، بعد...
مکمل تعارف پڑھیں