دل میں وہ شور نہ آنکھوں میں وہ نم رہتا ہے — احمد مشتاق
شاعر
دل میں وہ شور نہ آنکھوں میں وہ نم رہتا ہے
دل میں وہ شور نہ آنکھوں میں وہ نم رہتا ہے
اب تپ ہجر توقع سے بھی کم رہتا ہے
کبھی شعلے سے لپکتے تھے مرے سینے میں
اب کسی وقت دھواں سا کوئی دم رہتا ہے
کیا خدا جانے مرے دل کو ہوا تیرے بعد
نہ خوشی اس میں ٹھہرتی ہے نہ غم رہتا ہے
رشتۂ تار تمنا نہیں ٹوٹا اب تک
اب بھی آنکھوں میں تری زلف کا خم رہتا ہے
چھوڑ جاتی ہے ہر اک رت کوئی خوشبو کوئی رنگ
نہ ستم رہتا ہے باقی نہ کرم رہتا ہے
احمد مشتاق
Dil mein woh shor na aankhon mein woh nam rehta hai
Dil mein woh shor na aankhon mein woh nam rehta hai
Ab tap-e-hijr tawaqqo se bhi kam rehta hai
Kabhi shole se lapakte the mere seene mein
Ab kisi waqt dhuan sa koi dam rehta hai
Kya Khuda jaane mere dil ko hua tere baad
Na khushi is mein thaharti hai na gham rehta hai
Rishta-e-taar-e-tamanna nahin toota ab tak
Ab bhi aankhon mein teri zulf ka kham rehta hai
Chhod jaati hai har ek rut koi khushboo koi rang
Na sitam rehta hai baaqi na karam rehta hai
شاعر کے بارے میں
احمد مشتاق یکم مارچ 1933ء کو امرتسر، برطانوی ہندوستان میں پیدا ہوئے۔ تقسیمِ ہند کے بعد وہ پاکستان ہجرت کر گئے جہاں کچھ عرصہ لاہور میں مقیم رہے، بعد...
مکمل تعارف پڑھیں