دلوں کی اور دھواں سا دکھائی دیتا ہے — احمد مشتاق
شاعر
دلوں کی اور دھواں سا دکھائی دیتا ہے
دلوں کی اور دھواں سا دکھائی دیتا ہے
یہ شہر تو مجھے جلتا دکھائی دیتا ہے
جہاں کہ داغ ہے یاں آگے درد رہتا تھا
مگر یہ داغ بھی جاتا دکھائی دیتا ہے
پکارتی ہیں بھرے شہر کی گزر گاہیں
وہ روز شام کو تنہا دکھائی دیتا ہے
یہ لوگ ٹوٹی ہوئی کشتیوں میں سوتے ہیں
مرے مکان سے دریا دکھائی دیتا ہے
خزاں کے زرد دنوں کی سیاہ راتوں میں
کسی کا پھول سا چہرہ دکھائی دیتا ہے
کہیں ملے وہ سر راہ تو لپٹ جائیں
بس اب تو ایک ہی رستہ دکھائی دیتا ہے
احمد مشتاق
Dilon ki aur dhuan sa dikhai deta hai
Dilon ki aur dhuan sa dikhai deta hai
Yeh shahr toh mujhe jalta dikhai deta hai
Jahan ke daagh hai yahan aage dard rehta tha
Magar yeh daagh bhi jaata dikhai deta hai
Pukaarti hain bhare shahr ki guzar-gaahen
Woh roz shaam ko tanha dikhai deta hai
Yeh log tooti hui kashtiyon mein sote hain
Mere makaan se darya dikhai deta hai
Khizaan ke zard dinon ki siyah raaton mein
Kisi ka phool sa chehra dikhai deta hai
Kahin mile woh sar-e-raah toh lipat jaayen
Bas ab toh ek hi rasta dikhai deta hai
شاعر کے بارے میں
احمد مشتاق یکم مارچ 1933ء کو امرتسر، برطانوی ہندوستان میں پیدا ہوئے۔ تقسیمِ ہند کے بعد وہ پاکستان ہجرت کر گئے جہاں کچھ عرصہ لاہور میں مقیم رہے، بعد...
مکمل تعارف پڑھیں