دنیا میں سراغ رہ دنیا نہیں ملتا — احمد مشتاق
شاعر
دنیا میں سراغ رہ دنیا نہیں ملتا
دنیا میں سراغ رہ دنیا نہیں ملتا
دریا میں اتر جائیں تو دریا نہیں ملتا
باقی تو مکمل ہے تمنا کی عمارت
اک گزرے ہوئے وقت کا شیشہ نہیں ملتا
جاتے ہوئے ہر چیز یہیں چھوڑ گیا تھا
لوٹا ہوں تو اک دھوپ کا ٹکڑا نہیں ملتا
جو دل میں سمائے تھے وہ اب شامل دل ہیں
اس آئنے میں عکس کسی کا نہیں ملتا
تو نے ہی تو چاہا تھا کہ ملتا رہوں تجھ سے
تیری یہی مرضی ہے تو اچھا نہیں ملتا
دل میں تو دھڑکنے کی صدا بھی نہیں مشتاقؔ
رستے میں ہے وہ بھیڑ کہ رستہ نہیں ملتا
احمد مشتاق
Duniya mein suraagh-e-rah-e-duniya nahin milta
Duniya mein suraagh-e-rah-e-duniya nahin milta
Darya mein utar jaayen toh darya nahin milta
Baaqi toh mukammal hai tamanna ki imaarat
Ek guzre hue waqt ka sheesha nahin milta
Jaate hue har cheez yahin chhod gaya tha
Lauta hoon toh ek dhoop ka tukda nahin milta
Jo dil mein samaye the woh ab shaamil-e-dil hain
Is aaine mein aks kisi ka nahin milta
Tu ne hi toh chaha tha ke milta rahoon tujh se
Teri yehi marzi hai toh achha nahin milta
Dil mein toh dhadkanon ki sada bhi nahin Mushtaq
Raste mein hai woh bheed ke rasta nahin milta
شاعر کے بارے میں
احمد مشتاق یکم مارچ 1933ء کو امرتسر، برطانوی ہندوستان میں پیدا ہوئے۔ تقسیمِ ہند کے بعد وہ پاکستان ہجرت کر گئے جہاں کچھ عرصہ لاہور میں مقیم رہے، بعد...
مکمل تعارف پڑھیں