اک پھول میرے پاس تھا اک شمع میرے ساتھ تھی — احمد مشتاق
شاعر
اک پھول میرے پاس تھا اک شمع میرے ساتھ تھی
اک پھول میرے پاس تھا اک شمع میرے ساتھ تھی
باہر خزاں کا زور تھا اندر اندھیری رات تھی
ایسے پریشاں تو نہ تھے ٹوٹے ہوئے سناہٹے
جب عشق کی تیرے مرے غم پر بسر اوقات تھی
کچھ تم کہو تم نے کہاں کیسے گزارے روز و شب
اپنے نہ ملنے کا سبب تو گردش حالات تھی
اک خامشی تھی تر بہ تر دیوار مژگاں سے ادھر
پہنچا ہوا پیغام تھا برسی ہوئی برسات تھی
سب پھول دروازوں میں تھے سب رنگ آوازوں میں تھے
اک شہر دیکھا تھا کبھی اس شہر کی کیا بات تھی
یہ ہیں نئے لوگوں کے گھر سچ ہے اب ان کو کیا خبر
دل بھی کسی کا نام تھا غم بھی کسی کی ذات تھی
احمد مشتاق
Ek phool mere paas tha ek shama mere saath thi
Ek phool mere paas tha ek shama mere saath thi
Bahar khizaan ka zor tha andar andheri raat thi
Aise pareshan toh na the toote hue sannate
Jab ishq ki tere mere gham par basar auqaat thi
Kuchh tum kaho tum ne kahan kaise guzare roz-o-shab
Apne na milne ka sabab toh gardish-e-haalaat thi
Ek khamoshi thi tar ba tar deewar-e-mizhgaan se idhar
Pahuncha hua paigham tha barsi hui barsaat thi
Sab phool darwazon mein the sab rang awaazon mein the
Ek shahr dekha tha kabhi us shahr ki kya baat thi
Yeh hain naye logon ke ghar sach hai ab in ko kya khabar
Dil bhi kisi ka naam tha gham bhi kisi ki zaat thi
شاعر کے بارے میں
احمد مشتاق یکم مارچ 1933ء کو امرتسر، برطانوی ہندوستان میں پیدا ہوئے۔ تقسیمِ ہند کے بعد وہ پاکستان ہجرت کر گئے جہاں کچھ عرصہ لاہور میں مقیم رہے، بعد...
مکمل تعارف پڑھیں