اک عمر کی اور ضرورت ہے وہی شام و سحر کرنے کے لیے — احمد مشتاق
شاعر
اک عمر کی اور ضرورت ہے وہی شام و سحر کرنے کے لیے
اک عمر کی اور ضرورت ہے وہی شام و سحر کرنے کے لیے
وہ بات جو تم سے کہہ نہ سکے اسے بار دگر کرنے کے لیے
کبھی ذکر کیا تری زلفوں کا اور جاتی شام کو روک لیا
کبھی یاد کیا ترے چہرے کو آغاز سحر کرنے کے لیے
فٹ پاتھ پہ بھی سونے نہ دیا ترے شہر کے عزت داروں نے
ہم کتنی دور سے آئے تھے اک رات بسر کرنے کے لیے
اس آنکھ نے جس کی قسمت میں سچ مچ کے در و دیوار نہ تھے
خوابوں کے نگر آباد کیے حسرت کی نظر کرنے کے لیے
اس بے حس دنیا کے آگے کسی لہر کی پیش نہیں جاتی
اب بحر کا بحر اچھال کوئی اسے زیر و زبر کرنے کے لیے
احمد مشتاق
Ek umar ki aur zaroorat hai wohi shaam o sahar karne ke liye
Ek umar ki aur zaroorat hai wohi shaam o sahar karne ke liye
Woh baat jo tum se keh na sake use baar-e-digar karne ke liye
Kabhi zikr kiya teri zulfon ka aur jaati shaam ko rok liya
Kabhi yaad kiya tere chehre ko aghaz-e-sahar karne ke liye
Footpath pe bhi sone na diya tere shahar ke izzat-daron ne
Hum kitni door se aaye the ek raat basar karne ke liye
Us aankh ne jis ki qismat mein sachmuch ke dar o deewar na the
Khwabon ke nagar abad kiye hasrat ki nazar karne ke liye
Is be-has duniya ke aage kisi lehr ki pesh nahin jaati
Ab bahr ka bahr uchhal koi use zer-o-zabar karne ke liye
شاعر کے بارے میں
احمد مشتاق یکم مارچ 1933ء کو امرتسر، برطانوی ہندوستان میں پیدا ہوئے۔ تقسیمِ ہند کے بعد وہ پاکستان ہجرت کر گئے جہاں کچھ عرصہ لاہور میں مقیم رہے، بعد...
مکمل تعارف پڑھیں