ہاتھ سے ناپتا ہوں درد کی گہرائی کو — احمد مشتاق
شاعر
ہاتھ سے ناپتا ہوں درد کی گہرائی کو
ہاتھ سے ناپتا ہوں درد کی گہرائی کو
یہ نیا کھیل ملا ہے مری تنہائی کو
تھا جو سینے میں چراغ دل پر خوں نہ رہا
چاٹیے بیٹھ کے اب صبر و شکیبائی کو
دل افسردہ کسی طرح بہلتا ہی نہیں
کیا کریں آپ کی اس حوصلہ افزائی کو
خیر بدنام تو پہلے بھی بہت تھے لیکن
تجھ سے ملنا تھا کہ پر لگ گئے رسوائی کو
نگۂ ناز نہ ملتے ہوئے گھبرا ہم سے
ہم محبت نہیں کہنے کے شناسائی کو
دل ہے نیرنگئ ایام پہ حیراں اب تک
اتنی سی بات بھی معلوم نہیں بھائی کو
احمد مشتاق
Haath se naapta hoon dard ki gehraai ko
Haath se naapta hoon dard ki gehraai ko
Ye naya khel mila hai meri tanhai ko
Tha jo seene mein chiragh-e-dil pur-khoon na raha
Chaatiye baith ke ab sabr-o-shakebai ko
Dil afsurda kisi tarah behalta hi nahin
Kya karein aap ki is hausla afzaai ko
Khair badnaam to pehle bhi bahut the lekin
Tujh se milna tha ke par lag gaye ruswai ko
Nigah-e-naz na milte hue ghabra hum se
Hum mohabbat nahin kehne ke shanasai ko
Dil hai nairangi-e-ayyam pe hairaan ab tak
Itni si baat bhi maloom nahin bhai ko
شاعر کے بارے میں
احمد مشتاق یکم مارچ 1933ء کو امرتسر، برطانوی ہندوستان میں پیدا ہوئے۔ تقسیمِ ہند کے بعد وہ پاکستان ہجرت کر گئے جہاں کچھ عرصہ لاہور میں مقیم رہے، بعد...
مکمل تعارف پڑھیں