ہم گرے ہیں جو آ کے اتنی دور — احمد مشتاق
شاعر
ہم گرے ہیں جو آ کے اتنی دور
ہم گرے ہیں جو آ کے اتنی دور
کس نے پھینکا گھما کے اتنی دور
کیسی ظالم تھی قرب کی خواہش
کہاں مارا ہے لا کے اتنی دور
اب تو اس کا خیال بھی دل نے
رکھ دیا ہے اٹھا کے اتنی دور
اب تو وہ برگ آرزو بھی ہوا
لے گئی ہے اڑا کے اتنی دور
لالہ و گل بھی اک تسلی ہے
کون آتا ہے جا کے اتنی دور
احمد مشتاق
Hum gire hain jo aa ke itni duur
Hum gire hain jo aa ke itni duur
Kis ne phenka ghuma ke itni duur
Kaisi zalim thi qurb ki khwahish
Kahan mara hai la ke itni duur
Ab to us ka khayal bhi dil ne
Rakh diya hai utha ke itni duur
Ab to woh barg-e-aarzoo bhi hawa
Le gayi hai uda ke itni duur
Lala o gul bhi ek tasalli hai
Kaun aata hai ja ke itni duur
شاعر کے بارے میں
احمد مشتاق یکم مارچ 1933ء کو امرتسر، برطانوی ہندوستان میں پیدا ہوئے۔ تقسیمِ ہند کے بعد وہ پاکستان ہجرت کر گئے جہاں کچھ عرصہ لاہور میں مقیم رہے، بعد...
مکمل تعارف پڑھیں