ہمیں سب اہل ہوس ناپسند رکھتے ہیں — احمد مشتاق
شاعر
ہمیں سب اہل ہوس ناپسند رکھتے ہیں
ہمیں سب اہل ہوس ناپسند رکھتے ہیں
کہ ہم نوائے محبت بلند رکھتے ہیں
اسی لیے تو خفا ہیں ستم شعار کہ ہم
نگاہ نرم و دل دردمند رکھتے ہیں
اگرچہ دل وہی رجعت پسند ہے اپنا
مگر زبان ترقی پسند رکھتے ہیں
ہم ایسے عرش نشینوں سے وہ درخت اچھے
جو آندھیوں میں بھی سر کو بلند رکھتے ہیں
چلے ہو دیکھنے مشتاقؔ جن کو پچھلی رات
وہ لوگ شام سے دروازہ بند رکھتے ہیں
احمد مشتاق
Humein sab ahl-e-hawas napasand rakhte hain
Humein sab ahl-e-hawas napasand rakhte hain
Ke hum nawa-e-mohabbat buland rakhte hain
Isi liye to khafa hain sitam-shaar ke hum
Nigah narm o dil dardmand rakhte hain
Agarche dil wohi rajat-pasand hai apna
Magar zuban tarakki-pasand rakhte hain
Hum aise arsh-nasheeno se woh darakht acche
Jo aandhiyon mein bhi sar ko buland rakhte hain
Chale ho dekhne Mushtaq! jin ko pichhli raat
Woh log shaam se darwaza band rakhte hain
شاعر کے بارے میں
احمد مشتاق یکم مارچ 1933ء کو امرتسر، برطانوی ہندوستان میں پیدا ہوئے۔ تقسیمِ ہند کے بعد وہ پاکستان ہجرت کر گئے جہاں کچھ عرصہ لاہور میں مقیم رہے، بعد...
مکمل تعارف پڑھیں