ان موسموں میں ناچتے گاتے رہیں گے ہم — احمد مشتاق
شاعر
ان موسموں میں ناچتے گاتے رہیں گے ہم
ان موسموں میں ناچتے گاتے رہیں گے ہم
ہنستے رہیں گے شور مچاتے رہیں گے ہم
لب سوکھ کیوں نہ جائیں گلا بیٹھ کیوں نہ جائے
دل میں ہیں جو سوال اٹھاتے رہیں گے ہم
اپنی رہ سلوک میں چپ رہنا منع ہے
چپ رہ گئے تو جان سے جاتے رہیں گے ہم
نکلے تو اس طرح کہ دکھائی نہیں دیے
ڈوبے تو دیر تک نظر آتے رہیں گے ہم
دکھ کے سفر پہ دل کو روانہ تو کر دیا
اب ساری عمر ہاتھ ہلاتے رہیں گے ہم
احمد مشتاق
In mausmon mein naachte gaate rahen ge hum
In mausmon mein naachte gaate rahen ge hum
Hanste rahen ge shor machate rahen ge hum
Lab sookh kyon na jaayen gala baith kyon na jaaye
Dil mein hain jo sawal uthate rahen ge hum
Apni rah-e-sulook mein chup rehna mana hai
Chup reh gaye toh jaan se jaate rahen ge hum
Nikle toh is tarah ke dikhai nahin diye
Doobe toh der tak nazar aate rahen ge hum
Dukh ke safar pe dil ko rawana toh kar diya
Ab saari umr haath hilate rahen ge hum
شاعر کے بارے میں
احمد مشتاق یکم مارچ 1933ء کو امرتسر، برطانوی ہندوستان میں پیدا ہوئے۔ تقسیمِ ہند کے بعد وہ پاکستان ہجرت کر گئے جہاں کچھ عرصہ لاہور میں مقیم رہے، بعد...
مکمل تعارف پڑھیں