کبھی خواہش نہ ہوئی انجمن آرائی کی — احمد مشتاق
شاعر
کبھی خواہش نہ ہوئی انجمن آرائی کی
کبھی خواہش نہ ہوئی انجمن آرائی کی
کوئی کرتا ہے حفاظت مری تنہائی کی
میں تو گم اپنے نشے میں تھا مجھے کیا معلوم
کس نے منہ پھیر لیا کس نے پذیرائی کی
وہ تغافل بھی نہ تھا اور توجہ بھی نہ تھی
کبھی ٹوکا نہ کبھی حوصلہ افزائی کی
ہچکیاں شام شفق تاب کی تھمتی ہی نہ تھیں
اب بھی رک رک کے صدا آتی ہے شہنائی کی
ہم سے پہلے بھی سخنور ہوئے کیسے کیسے
ہم نے بھی تھوڑی بہت قافیہ پیمائی کی
احمد مشتاق
Kabhi khwahish na hui anjuman-aarai ki
Kabhi khwahish na hui anjuman-aarai ki
Koi karta hai hifazat meri tanhai ki
Main to gum apne nashe mein tha mujhe kya maloom
Kis ne munh pher liya kis ne pazeerai ki
Woh taghaful bhi na tha aur tawajjo bhi na thi
Kabhi toka na kabhi hausla-afzai ki
Hichkiyan shaam-e-shafaq-taab ki thamti hi na thin
Ab bhi ruk ruk ke sada aati hai shehnai ki
Hum se pehle bhi sukhanwar hue kaise kaise
Hum ne bhi thodi bahut qafiya-paimaai ki
شاعر کے بارے میں
احمد مشتاق یکم مارچ 1933ء کو امرتسر، برطانوی ہندوستان میں پیدا ہوئے۔ تقسیمِ ہند کے بعد وہ پاکستان ہجرت کر گئے جہاں کچھ عرصہ لاہور میں مقیم رہے، بعد...
مکمل تعارف پڑھیں