کہیں امید سی ہے دل کے نہاں خانے میں — احمد مشتاق
شاعر
کہیں امید سی ہے دل کے نہاں خانے میں
کہیں امید سی ہے دل کے نہاں خانے میں
ابھی کچھ وقت لگے گا اسے سمجھانے میں
موسم گل ہو کہ پت جھڑ ہو بلا سے اپنی
ہم کہ شامل ہیں نہ کھلنے میں نہ مرجھانے میں
ہم سے مخفی نہیں کچھ رہ گزر شوق کا حال
ہم نے اک عمر گزاری ہے ہوا کھانے میں
ہے یوں ہی گھومتے رہنے کا مزہ ہی کچھ اور
ایسی لذت نہ پہنچنے میں نہ رہ جانے میں
نئے دیوانوں کو دیکھیں تو خوشی ہوتی ہے
ہم بھی ایسے ہی تھے جب آئے تھے ویرانے میں
موسموں کا کوئی محرم ہو تو اس سے پوچھو
کتنے پت جھڑ ابھی باقی ہیں بہار آنے میں
احمد مشتاق
Kahin umeed si hai dil ke nihan-khane mein
Kahin umeed si hai dil ke nihan-khane mein
Abhi kuch waqt lagega use samjhane mein
Mausam-e-gul ho ke patjhad ho bala se apni
Hum ke shamil hain na khulne mein na murjhane mein
Hum se makhfi nahin kuch rahguzar-e-shauq ka haal
Hum ne ek umar guzari hai hawa khane mein
Hai yun hi ghoomte rahne ka maza hi kuch aur
Aisi lazzat na pahunchne mein na rah jaane mein
Naye deewanon ko dekhen to khushi hoti hai
Hum bhi aise hi the jab aaye the veerane mein
Mausamon ka koi mahram ho to us se poocho
Kitne patjhad abhi baaqi hain bahar aane mein
شاعر کے بارے میں
احمد مشتاق یکم مارچ 1933ء کو امرتسر، برطانوی ہندوستان میں پیدا ہوئے۔ تقسیمِ ہند کے بعد وہ پاکستان ہجرت کر گئے جہاں کچھ عرصہ لاہور میں مقیم رہے، بعد...
مکمل تعارف پڑھیں