کھڑے ہیں دل میں جو برگ و ثمر لگائے ہوئے — احمد مشتاق
شاعر
کھڑے ہیں دل میں جو برگ و ثمر لگائے ہوئے
کھڑے ہیں دل میں جو برگ و ثمر لگائے ہوئے
تمہارے ہاتھ کے ہیں یہ شجر لگائے ہوئے
بہت اداس ہو تم اور میں بھی بیٹھا ہوں
گئے دنوں کی کمر سے کمر لگائے ہوئے
ابھی سپاہ ستم خیمہ زن ہے چار طرف
ابھی پڑے رہو زنجیر در لگائے ہوئے
کہاں کہاں نہ گئے عالم خیال میں ہم
نظر کسی کے در و بام پر لگائے ہوئے
وہ شب کو چیر کے سورج نکال بھی لائے
ہم آج تک ہیں امید سحر لگائے ہوئے
دلوں کی آگ جلاؤ کہ ایک عمر ہوئی
صدائے نالۂ دود و شرر لگائے ہوئے
احمد مشتاق
Khade hain dil mein jo barg-o-samar lagaye hue
Khade hain dil mein jo barg-o-samar lagaye hue
Tumhare haath ke hi hain yeh shajar lagaye hue
Bahut udaas ho tum aur main bhi baitha hoon
Gaye dinon ki kamar se kamar lagaye hue
Abhi sipah-e-sitam khema-zan hai char taraf
Abhi pade raho zanjeer-e-dar lagaye hue
Kahan kahan na gaye aalam-e-khayal mein hum
Nazar kisi ke dar-o-baam par lagaye hue
Woh shab ko cheer ke suraj nikal bhi laye
Hum aaj tak hain ummeed-e-sahar lagaye hue
Dilon ki aag jalao ke ek umar hui
Sada-e-nala-e-dood o sharar lagaye hue
شاعر کے بارے میں
احمد مشتاق یکم مارچ 1933ء کو امرتسر، برطانوی ہندوستان میں پیدا ہوئے۔ تقسیمِ ہند کے بعد وہ پاکستان ہجرت کر گئے جہاں کچھ عرصہ لاہور میں مقیم رہے، بعد...
مکمل تعارف پڑھیں