خیر اوروں نے بھی چاہا تو ہے تجھ سا ہونا — احمد مشتاق
شاعر
خیر اوروں نے بھی چاہا تو ہے تجھ سا ہونا
خیر اوروں نے بھی چاہا تو ہے تجھ سا ہونا
یہ الگ بات کہ ممکن نہیں ایسا ہونا
دیکھتا اور نہ ٹھہرتا تو کوئی بات بھی تھی
جس نے دیکھا ہی نہیں اس سے خفا کیا ہونا
تجھ سے دوری میں بھی خوش رہتا ہوں پہلے کی طرح
بس کسی وقت برا لگتا ہے تنہا ہونا
یوں میری یاد میں محفوظ ہیں تیرے خد و خال
جس طرح دل میں کسی شے کی تمنا ہونا
زندگی معرکۂ روح و بدن ہے مشتاقؔ
عشق کے ساتھ ضروری ہے ہوس کا ہونا
احمد مشتاق
Khair auron ne bhi chaha to hai tujh sa hona
Khair auron ne bhi chaha to hai tujh sa hona
Yeh alag baat ke mumkin nahin aisa hona
Dekhta aur na thaharta to koi baat bhi thi
Jis ne dekha hi nahin us se khafa kya hona
Tujh se doori mein bhi khush rahta hoon pahle ki tarah
Bas kisi waqt bura lagta hai tanha hona
Yun meri yaad mein mehfooz hain tere khadd-o-khaal
Jis tarah dil mein kisi shai ki tamanna hona
Zindagi maarka-e-rooh-o-badan hai Mushtaq!
Ishq ke saath zaroori hai hawas ka hona
شاعر کے بارے میں
احمد مشتاق یکم مارچ 1933ء کو امرتسر، برطانوی ہندوستان میں پیدا ہوئے۔ تقسیمِ ہند کے بعد وہ پاکستان ہجرت کر گئے جہاں کچھ عرصہ لاہور میں مقیم رہے، بعد...
مکمل تعارف پڑھیں