خون دل سے کشت غم کو سینچتا رہتا ہوں میں — احمد مشتاق
شاعر
خون دل سے کشت غم کو سینچتا رہتا ہوں میں
خون دل سے کشت غم کو سینچتا رہتا ہوں میں
خالی کاغذ پر لکیریں کھینچتا رہتا ہوں میں
آج سے مجھ پر مکمل ہو گیا دین فراق
ہاں تصور میں بھی اب تجھ سے جدا رہتا ہوں میں
تو دیار حسن ہے اونچی رہے تیری فصیل
میں ہوں دروازہ محبت کا، کھلا رہتا ہوں میں
شام تک کھینچے لیے پھرتے ہیں اس دنیا کے کام
صبح تک فرش ندامت پر پڑا رہتا ہوں میں
ہاں کبھی مجھ پر بھی ہو جاتا ہے موسم کا اثر
ہاں کسی دن شاکیٔ آب و ہوا رہتا ہوں میں
اہل دنیا سے تعلق قطع ہوتا ہی نہیں
بھول جانے پر بھی صورت آشنا رہتا ہوں میں
احمد مشتاق
Khoon-e-dil se kisht-e-gham ko seenchta rehta hoon main
Khoon-e-dil se kisht-e-gham ko seenchta rehta hoon main
Khaali kaghaz par lakeerein kheencha rehta hoon main
Aaj se mujh par mukammal ho gaya deen-e-firaq
Haan tasavvur mein bhi ab tujh se juda rehta hoon main
Tu dayar-e-husn hai oonchi rahe teri faseel
Main hoon darwaza-e-mohabbat ka, khula rehta hoon main
Shaam tak kheencha liye phirte hain is duniya ke kaam
Subah tak farsh-e-nadamat par pada rehta hoon main
Haan kabhi mujh par bhi ho jata hai mausam ka asar
Haan kisi din Shaaki! aab-o-hawa rehta hoon main
Ahl-e-duniya se talluq qata hota hi nahin
Bhool jaane par bhi soorat aashna rehta hoon main
شاعر کے بارے میں
احمد مشتاق یکم مارچ 1933ء کو امرتسر، برطانوی ہندوستان میں پیدا ہوئے۔ تقسیمِ ہند کے بعد وہ پاکستان ہجرت کر گئے جہاں کچھ عرصہ لاہور میں مقیم رہے، بعد...
مکمل تعارف پڑھیں