کس شے پہ یہاں وقت کا سایہ نہیں ہوتا — احمد مشتاق
شاعر
کس شے پہ یہاں وقت کا سایہ نہیں ہوتا
کس شے پہ یہاں وقت کا سایہ نہیں ہوتا
اک خواب محبت ہے کہ بوڑھا نہیں ہوتا
وہ وقت بھی آتا ہے جب آنکھوں میں ہماری
پھرتی ہیں وہ شکلیں جنہیں دیکھا نہیں ہوتا
بارش وہ برستی ہے کہ بھر جاتے ہیں جل تھل
دیکھو تو کہیں ابر کا ٹکڑا نہیں ہوتا
گھر جاتا ہے دل درد کی ہر بند گلی میں
چاہو کہ نکل جائیں تو رستہ نہیں ہوتا
یادوں پہ بھی جم جاتی ہے جب گرد زمانہ
ملتا ہے وہ پیغام کہ پہنچا نہیں ہوتا
تنہائی میں کرنی تو ہے اک بات کسی سے
لیکن وہ کسی وقت اکیلا نہیں ہوتا
کیا اس سے گلہ کیجیئے بربادئ دل کا
ہم سے بھی تو اظہار تمنا نہیں ہوتا
احمد مشتاق
Kis shai pe yahan waqt ka saya nahin hota
Kis shai pe yahan waqt ka saya nahin hota
Ik khwab-e-mohabbat hai ke boodha nahin hota
Woh waqt bhi aata hai jab aankhon mein hamari
Phirti hain woh shaklen jinhen dekha nahin hota
Barish woh barasti hai ke bhar jaate hain jal thal
Dekho to kahin abr ka tukda nahin hota
Ghar jaata hai dil dard ki har band gali mein
Chaho ke nikal jaayen to rasta nahin hota
Yaadon pe bhi jam jaati hai jab gard-e-zamana
Milta hai woh paigham ke pahuncha nahin hota
Tanhai mein karni to hai ik baat kisi se
Lekin woh kisi waqt akela nahin hota
Kya us se gila kijiye barbaadi-e-dil ka
Hum se bhi to izhar-e-tamanna nahin hota
شاعر کے بارے میں
احمد مشتاق یکم مارچ 1933ء کو امرتسر، برطانوی ہندوستان میں پیدا ہوئے۔ تقسیمِ ہند کے بعد وہ پاکستان ہجرت کر گئے جہاں کچھ عرصہ لاہور میں مقیم رہے، بعد...
مکمل تعارف پڑھیں