لے کے ہمراہ چھلکتے ہوئے پیمانے کو — احمد مشتاق
شاعر
لے کے ہمراہ چھلکتے ہوئے پیمانے کو
لے کے ہمراہ چھلکتے ہوئے پیمانے کو
آن پہنچی ہے یہ ساعت بھی گزر جانے کو
ہاں اسے رہگزر خندۂ گل کہتے ہیں
ہاں یہی راہ نکل جاتی ہے ویرانے کو
فائدہ بھی کوئی جل جل کے مرے جانے سے
کون اس شمع سے روشن کرے پروانے کو
سنگ اٹھانا تو بڑی بات ہے اب شہر کے لوگ
آنکھ اٹھا کر بھی نہیں دیکھتے دیوانے کو
کل بھی دیکھا تھا انہیں آج بھی درشن ہوں گے
حسب معمول وہ نکلیں گے ہوا کھانے کو
احمد مشتاق
Le ke hamrah chhalkate hue paimane ko
Le ke hamrah chhalkate hue paimane ko
Aan pahunchi hai yeh sa'at bhi guzar jaane ko
Haan use rehguzar-e-khanda-e-gul kehte hain
Haan yehi raah nikal jaati hai veerane ko
Faida bhi koi jal jal ke mare jaane se
Kaun us shama se roshan kare parwane ko
Sang uthana to badi baat hai ab shahar ke log
Aankh utha kar bhi nahin dekhte deewane ko
Kal bhi dekha tha unhein aaj bhi darshan honge
Hasb-e-mamool woh niklenge hawa khane ko
شاعر کے بارے میں
احمد مشتاق یکم مارچ 1933ء کو امرتسر، برطانوی ہندوستان میں پیدا ہوئے۔ تقسیمِ ہند کے بعد وہ پاکستان ہجرت کر گئے جہاں کچھ عرصہ لاہور میں مقیم رہے، بعد...
مکمل تعارف پڑھیں