لبھاتا ہے اگرچہ حسن دریا ڈر رہا ہوں میں — احمد مشتاق
شاعر
لبھاتا ہے اگرچہ حسن دریا ڈر رہا ہوں میں
لبھاتا ہے اگرچہ حسن دریا ڈر رہا ہوں میں
سبب یہ ہے کہ اک مدت کنارے پر رہا ہوں میں
یہ جھونکے جن سے دل میں تازگی آنکھوں میں ٹھنڈک ہے
انہی جھونکوں سے مرجھایا ہوا شب بھر رہا ہوں میں
ترے آنے کا دن ہے تیرے رستے میں بچھانے کو
چمکتی دھوپ میں سائے اکٹھے کر رہا ہوں میں
کوئی کمرہ ہے جس کے طاق میں اک شمع جلتی ہے
اندھیری رات ہے اور سانس لیتے ڈر رہا ہوں میں
مجھے معلوم ہے اہل وفا پر کیا گزرتی ہے
سمجھ کر سوچ کر تجھ سے محبت کر رہا ہوں میں
احمد مشتاق
Lubhaata hai agarche husn-e-darya dar raha hoon main
Lubhaata hai agarche husn-e-darya dar raha hoon main
Sabab yeh hai ke ek muddat kinare par raha hoon main
Yeh jhonke jin se dil mein taazgi aankhon mein thandak hai
Inhi jhonkon se murjhaya hua shab bhar raha hoon main
Tere aane ka din hai tere raste mein bichhane ko
Chamakti dhoop mein saaye ikatthey kar raha hoon main
Koi kamra hai jis ke taaq mein ek shama jalti hai
Andheri raat hai aur saans lete dar raha hoon main
Mujhe maloom hai ahl-e-wafa par kya guzarti hai
Samajh kar soch kar tujh se mohabbat kar raha hoon main
شاعر کے بارے میں
احمد مشتاق یکم مارچ 1933ء کو امرتسر، برطانوی ہندوستان میں پیدا ہوئے۔ تقسیمِ ہند کے بعد وہ پاکستان ہجرت کر گئے جہاں کچھ عرصہ لاہور میں مقیم رہے، بعد...
مکمل تعارف پڑھیں