منظر صبح دکھانے اسے لایا نہ گیا — احمد مشتاق
شاعر
منظر صبح دکھانے اسے لایا نہ گیا
منظر صبح دکھانے اسے لایا نہ گیا
آتی جاتی رہیں شامیں کوئی آیا نہ گیا
رات بستر پہ کھلے چاند میں سوتا تھا کوئی
میں نے چاہا کہ جگاؤں تو جگایا نہ گیا
ایک مدت اسے دیکھا اسے چاہا لیکن
وہ کبھی پاس سے گزرا تو بلایا نہ گیا
گھیرے رہتی تھی اسے ایک جہاں کی نظریں
پھر جو دیکھا تو وہ اس آن میں پایا نہ گیا
سر اٹھاتے ہی کڑی دھوپ کی یلغار ہوئی
دو قدم بھی کسی دیوار کا سایا نہ گیا
تھا مقرر کہ ملاقات رہے گی اس سے
وہ تو پہنچا تھا مگر مجھ سے ہی آیا نہ گیا
احمد مشتاق
Manzar-e-subh dikhaane use laaya na gaya
Manzar-e-subh dikhaane use laaya na gaya
Aati jaati raheen shaamen koi aaya na gaya
Raat bistar pe khule chand mein sota tha koi
Main ne chaha ke jagaun to jagaya na gaya
Ek muddat use dekha use chaha lekin
Wo kabhi paas se guzra to bulaya na gaya
Ghere rehti thi use ek jahan ki nazren
Phir jo dekha to wo us aan mein paya na gaya
Sar uthate hi kadi dhoop ki yalghar hui
Do qadam bhi kisi deewar ka saaya na gaya
Tha muqarrar ke mulaqat rahegi us se
Wo to pahuncha tha magar mujh se hi aaya na gaya
شاعر کے بارے میں
احمد مشتاق یکم مارچ 1933ء کو امرتسر، برطانوی ہندوستان میں پیدا ہوئے۔ تقسیمِ ہند کے بعد وہ پاکستان ہجرت کر گئے جہاں کچھ عرصہ لاہور میں مقیم رہے، بعد...
مکمل تعارف پڑھیں