مل ہی آتے ہیں اسے ایسا بھی کیا ہو جائے گا — احمد مشتاق
شاعر
مل ہی آتے ہیں اسے ایسا بھی کیا ہو جائے گا
مل ہی آتے ہیں اسے ایسا بھی کیا ہو جائے گا
بس یہی نا درد کچھ دل کا سوا ہو جائے گا
وہ مرے دل کی پریشانی سے افسردہ ہو کیوں
دل کا کیا ہے کل کو پھر اچھا بھلا ہو جائے گا
گھر سے کچھ خوابوں سے ملنے کے لیے نکلے تھے ہم
کیا خبر تھی زندگی سے سامنا ہو جائے گا
رونے لگتا ہوں محبت میں تو کہتا ہے کوئی
کیا ترے اشکوں سے یہ جنگل ہرا ہو جائے گا
کیسے آ سکتی ہے ایسی دل نشیں دنیا کو موت
کون کہتا ہے کہ یہ سب کچھ فنا ہو جائے گا
احمد مشتاق
Mil hi aate hain use aisa bhi kya ho jaaega
Mil hi aate hain use aisa bhi kya ho jaaega
Bas yahi na dard kuch dil ka siwa ho jaaega
Woh mere dil ki pareshani se afsurda ho kyun
Dil ka kya hai kal ko phir achha bhala ho jaaega
Ghar se kuch khwabon se milne ke liye nikle the hum
Kya khabar thi zindagi se saamna ho jaaega
Rone lagta hoon mohabbat mein to kahta hai koi
Kya tere ashkon se yeh jangal hara ho jaaega
Kaise aa sakti hai aisi dil nasheen duniya ko maut
Kaun kahta hai ke yeh sab kuch fana ho jaaega
شاعر کے بارے میں
احمد مشتاق یکم مارچ 1933ء کو امرتسر، برطانوی ہندوستان میں پیدا ہوئے۔ تقسیمِ ہند کے بعد وہ پاکستان ہجرت کر گئے جہاں کچھ عرصہ لاہور میں مقیم رہے، بعد...
مکمل تعارف پڑھیں