مل ہی جائے گا کبھی دل کو یقیں رہتا ہے — احمد مشتاق
شاعر
مل ہی جائے گا کبھی دل کو یقیں رہتا ہے
مل ہی جائے گا کبھی دل کو یقیں رہتا ہے
وہ اسی شہر کی گلیوں میں کہیں رہتا ہے
جس کی سانسوں سے مہکتے تھے در و بام ترے
اے مکاں بول کہاں اب وہ مکیں رہتا ہے
اک زمانہ تھا کہ سب ایک جگہ رہتے تھے
اور اب کوئی کہیں کوئی کہیں رہتا ہے
روز ملنے پہ بھی لگتا تھا کہ جگ بیت گئے
عشق میں وقت کا احساس نہیں رہتا ہے
دل فسردہ تو ہوا دیکھ کے اس کو لیکن
عمر بھر کون جواں کون حسیں رہتا ہے
احمد مشتاق
Mil hi jaaega kabhi dil ko yaqeen rahta hai
Mil hi jaaega kabhi dil ko yaqeen rahta hai
Woh isi shahr ki galiyon mein kahin rahta hai
Jis ki saanson se mahakte the dar-o-baam tere
Aye makaan bol kahan ab woh makeen rahta hai
Ek zamana tha ke sab ek jagah rahte the
Aur ab koi kahin koi kahin rahta hai
Roz milne pe bhi lagta tha ke jug beet gaye
Ishq mein waqt ka ehsas nahin rahta hai
Dil fasurda to hua dekh ke us ko lekin
Umar bhar kaun jawan kaun haseen rahta hai
شاعر کے بارے میں
احمد مشتاق یکم مارچ 1933ء کو امرتسر، برطانوی ہندوستان میں پیدا ہوئے۔ تقسیمِ ہند کے بعد وہ پاکستان ہجرت کر گئے جہاں کچھ عرصہ لاہور میں مقیم رہے، بعد...
مکمل تعارف پڑھیں