مونس دل کوئی نغمہ کوئی تحریر نہیں — احمد مشتاق
شاعر
مونس دل کوئی نغمہ کوئی تحریر نہیں
مونس دل کوئی نغمہ کوئی تحریر نہیں
حرف میں رس نہیں آواز میں تاثیر نہیں
آ ہی جاتا ہے اجڑتی ہوئی دنیا کا خیال
باور آیا کہ ترا درد ہمہ گیر نہیں
ہجر اک وقفۂ بیدار ہے دو نیندوں میں
وصل اک خواب ہے جس کی کوئی تعبیر نہیں
میرے اطراف یہ زنجیر علائق کیسی
زندگی جرم سہی قابل تعزیر نہیں
کس طرح پائیں اس افسردہ مزاجی سے نجات
ہمدمو ہم سخنو کیا کوئی تدبیر نہیں
احمد مشتاق
Mounis-e-dil koi naghma koi tehreer nahin
Mounis-e-dil koi naghma koi tehreer nahin
Harf mein ras nahin aawaz mein taseer nahin
Aa hi jata hai ujadti hui duniya ka khayal
Bawar aaya ke tera dard hama-geer nahin
Hijr ek waqfa-e-bedaar hai do neendon mein
Wasl ek khwab hai jis ki koi taabeer nahin
Mere atraf ye zanjeer-e-alaaiq kaisi
Zindagi jurm sahi qabil-e-taazeer nahin
Kis tarah paayen is afsurda mizaji se nijat
Hamdamo hamsukhano kya koi tadbeer nahin
شاعر کے بارے میں
احمد مشتاق یکم مارچ 1933ء کو امرتسر، برطانوی ہندوستان میں پیدا ہوئے۔ تقسیمِ ہند کے بعد وہ پاکستان ہجرت کر گئے جہاں کچھ عرصہ لاہور میں مقیم رہے، بعد...
مکمل تعارف پڑھیں