نالۂ خونیں سے روشن درد کی راتیں کرو — احمد مشتاق
شاعر
نالۂ خونیں سے روشن درد کی راتیں کرو
نالۂ خونیں سے روشن درد کی راتیں کرو
میں نہیں کہتا دعا مانگو مناجاتیں کرو
دل کے گچھے میں ہیں سارے موسموں کی چابیاں
دھوپ کھولو چاندنی چھٹکاؤ برساتیں کرو
جو نہیں سنتے ہیں ان کو بھی سناؤ اپنی بات
جو نہیں ملتے ہیں ان سے بھی ملاقاتیں کرو
موت خاموشی ہے چپ رہنے سے چپ لگ جائے گی
زندگی آواز ہے باتیں کرو باتیں کرو
احمد مشتاق
Nala-e-khooneen se roshan dard ki raaten karo
Nala-e-khooneen se roshan dard ki raaten karo
Main nahin kehta dua maango munajaten karo
Dil ke guchche mein hain saare mausamon ki chabiyan
Dhoop kholo chandni chhitkao barsaaten karo
Jo nahin sunte hain un ko bhi sunao apni baat
Jo nahin milte hain un se bhi mulaqaten karo
Maut khamoshi hai chup rehne se chup lag jaayegi
Zindagi aawaz hai baaten karo baaten karo
شاعر کے بارے میں
احمد مشتاق یکم مارچ 1933ء کو امرتسر، برطانوی ہندوستان میں پیدا ہوئے۔ تقسیمِ ہند کے بعد وہ پاکستان ہجرت کر گئے جہاں کچھ عرصہ لاہور میں مقیم رہے، بعد...
مکمل تعارف پڑھیں