پانی میں عکس اور کسی آسماں کا ہے — احمد مشتاق
شاعر
پانی میں عکس اور کسی آسماں کا ہے
پانی میں عکس اور کسی آسماں کا ہے
یہ ناؤ کون سی ہے یہ دریا کہاں کا ہے
دیوار پر کھلے ہیں نئے موسموں کے پھول
سایہ زمین پر کسی پچھلے مکاں کا ہے
چاروں طرف ہیں سبز سلاخیں بہار کی
جن میں گھرا ہوا کوئی موسم خزاں کا ہے
سب کچھ بدل گیا ہے تہہ آسماں مگر
بادل وہی ہیں رنگ وہی آسماں کا ہے
دل میں خیال شہر تمنا تھا جس جگہ
واں اب ملال اک سفر رائیگاں کا ہے
احمد مشتاق
Pani mein aks aur kisi aasman ka hai
Pani mein aks aur kisi aasman ka hai
Yeh nao kaun si hai yeh darya kahan ka hai
Deewar par khule hain naye mausamon ke phool
Saya zameen par kisi pichhle makan ka hai
Charon taraf hain sabz salakhen bahar ki
Jin mein ghira hua koi mausam khizan ka hai
Sab kuch badal gaya hai teh-e-aasman magar
Badal wahi hain rang wahi aasman ka hai
Dil mein khayal-e-shahr-e-tamanna tha jis jagah
Waan ab malal ik safar-e-raigan ka hai
شاعر کے بارے میں
احمد مشتاق یکم مارچ 1933ء کو امرتسر، برطانوی ہندوستان میں پیدا ہوئے۔ تقسیمِ ہند کے بعد وہ پاکستان ہجرت کر گئے جہاں کچھ عرصہ لاہور میں مقیم رہے، بعد...
مکمل تعارف پڑھیں