شام غم یاد ہے کب شمع جلی یاد نہیں — احمد مشتاق
شاعر
شام غم یاد ہے کب شمع جلی یاد نہیں
شام غم یاد ہے کب شمع جلی یاد نہیں
کب وہ رخصت ہوئے کب رات ڈھلی یاد نہیں
دل سے بہتے ہوئے پانی کی صدا گزری تھی
کب دھندلکا ہوا کب ناؤ چلی یاد نہیں
ٹھنڈے موسم میں پکارا کوئی ہم آتے ہیں
جس میں ہم کھیل رہے تھے وہ گلی یاد نہیں
ان مضافات میں چھپ چھپ کے ہوا چلتی تھی
کیسے کھلتی تھی محبت کی کلی یاد نہیں
جسم و جاں ڈوب گئے خواب فراموشی میں
اب کوئی بات بری ہو کہ بھلی یاد نہیں
احمد مشتاق
Shaam-e-gham yaad hai kab shama jali yaad nahin
Shaam-e-gham yaad hai kab shama jali yaad nahin
Kab woh rukhsat hue kab raat dhali yaad nahin
Dil se behte hue paani ki sada guzri thi
Kab dhundalka hua kab nao chali yaad nahin
Thande mausam mein pukara koi hum aate hain
Jis mein hum khel rahe the woh gali yaad nahin
In muzaafaat mein chhup chhup ke hawa chalti thi
Kaise khilti thi mohabbat ki kali yaad nahin
Jism-o-jaan doob gaye khwab-e-faraamoshi mein
Ab koi baat buri ho ke bhali yaad nahin
شاعر کے بارے میں
احمد مشتاق یکم مارچ 1933ء کو امرتسر، برطانوی ہندوستان میں پیدا ہوئے۔ تقسیمِ ہند کے بعد وہ پاکستان ہجرت کر گئے جہاں کچھ عرصہ لاہور میں مقیم رہے، بعد...
مکمل تعارف پڑھیں