شبنم کو ریت پھول کو کانٹا بنا دیا — احمد مشتاق
شاعر
شبنم کو ریت پھول کو کانٹا بنا دیا
شبنم کو ریت پھول کو کانٹا بنا دیا
ہم نے تو اپنے باغ کو صحرا بنا دیا
اس اونچ نیچ پر تو ٹھہرتے نہیں تھے پاؤں
کس دست شوق نے اسے دنیا بنا دیا
کن مٹھیوں نے بیج بکھیرے زمین پر
کن بارشوں نے اس کو تماشا بنا دیا
سیراب کر دیا تری موج خرام نے
رکھا جہاں قدم وہاں دریا بنا دیا
اک رات چاندنی مرے بستر پہ آئی تھی
میں نے تراش کر ترا چہرہ بنا دیا
پوچھے اگر کوئی تو اسے کیا بتاؤں میں
دل کیا تھا، تیرے غم نے اسے کیا بنا دیا
احمد مشتاق
Shabnam ko ret phool ko kanta bana diya
Shabnam ko ret phool ko kanta bana diya
Hum ne to apne bagh ko sahra bana diya
Is oonch neech par to theharte nahin the paon
Kis dast-e-shauq ne use duniya bana diya
Kin mutthiyon ne beej bikhere zameen par
Kin barishon ne us ko tamasha bana diya
Sairab kar diya teri mauj-e-kharam ne
Rakha jahan qadam wahan darya bana diya
Ik raat chandni mere bistar pe aayi thi
Main ne tarash kar tera chehra bana diya
Poochhe agar koi to use kya bataun main
Dil kya tha, tere gham ne use kya bana diya
شاعر کے بارے میں
احمد مشتاق یکم مارچ 1933ء کو امرتسر، برطانوی ہندوستان میں پیدا ہوئے۔ تقسیمِ ہند کے بعد وہ پاکستان ہجرت کر گئے جہاں کچھ عرصہ لاہور میں مقیم رہے، بعد...
مکمل تعارف پڑھیں