شام ہوتی ہے تو یاد آتی ہے ساری باتیں — احمد مشتاق
شاعر
شام ہوتی ہے تو یاد آتی ہے ساری باتیں
شام ہوتی ہے تو یاد آتی ہے ساری باتیں
وہ دوپہروں کی خموشی وہ ہماری باتیں
آنکھیں کھولوں تو دکھائی نہیں دیتا کوئی
بند کرتا ہوں تو ہو جاتی ہیں جاری باتیں
کبھی اک حرف نکلتا نہیں منہ سے میرے
کبھی اک سانس میں کر جاتا ہوں ساری باتیں
جانے کس خاک میں پوشیدہ ہیں آنسو میرے
کن فضاؤں میں معلق ہیں تمہاری باتیں
کس ملاقات کی امید لیے بیٹھا ہوں
میں نے کس دن پہ اٹھا رکھی ہیں ساری باتیں
احمد مشتاق
Sham hoti hai to yaad aati hai saari baatein
Sham hoti hai to yaad aati hai saari baatein
Woh dopahron ki khamoshi woh hamari baatein
Aankhen kholun to dikhai nahin deta koi
Band karta hoon to ho jaati hain jaari baatein
Kabhi ik harf nikalta nahin munh se mere
Kabhi ik saans mein kar jaata hoon saari baatein
Jaane kis khaak mein poshida hain aansoo mere
Kin fizaon mein muallaq hain tumhari baatein
Kis mulaqat ki ummeed liye baitha hoon
Main ne kis din pe utha rakhi hain saari baatein
شاعر کے بارے میں
احمد مشتاق یکم مارچ 1933ء کو امرتسر، برطانوی ہندوستان میں پیدا ہوئے۔ تقسیمِ ہند کے بعد وہ پاکستان ہجرت کر گئے جہاں کچھ عرصہ لاہور میں مقیم رہے، بعد...
مکمل تعارف پڑھیں