ترے دیوانے ہر رنگ رہے ترے دھیان کی جوت جگائے ہوئے — احمد مشتاق
شاعر
ترے دیوانے ہر رنگ رہے ترے دھیان کی جوت جگائے ہوئے
ترے دیوانے ہر رنگ رہے ترے دھیان کی جوت جگائے ہوئے
کبھی نتھرے ستھرے کپڑوں میں کبھی انگ بھبھوت رمائے ہوئے
اس راہ سے چھپ چھپ کر گزری رت سبز سنہرے پھولوں کی
جس راہ پہ تم کبھی نکلے تھے گھبرائے ہوئے شرمائے ہوئے
اب تک ہے وہی عالم دل کا وہی رنگ شفق وہی تیز ہوا
وہی سارا منظر جادو کا میرے نین سے نین ملائے ہوئے
چہرے پہ چمک آنکھوں میں حیا لب گرم خنک چھب نرم نوا
جنہیں اتنے سکون میں دیکھا تھا وہی آج ملے گھبرائے ہوئے
ہم نے مشتاقؔ یوں ہی کھولا یادوں کی کتاب مقدس کو
کچھ کاغذ نکلے خستہ سے کچھ پھول ملے مرجھائے ہوئے
احمد مشتاق
Tere deewane har rang rahe tere dhyan ki jot jagaye hue
Tere deewane har rang rahe tere dhyan ki jot jagaye hue
Kabhi nithre suthre kapdon mein kabhi ang bhabhoot ramaye hue
Is rah se chhup chhup kar guzri rut sabz sunahre phoolon ki
Jis rah pe tum kabhi nikle the ghabraye hue sharmaye hue
Ab tak hai wahi alam dil ka wahi rang-e-shafaq wahi tez hawa
Wahi sara manzar jadoo ka mere nain se nain milaye hue
Chehre pe chamak aankhon mein haya lab garam khunak chhab narm nawa
Jinhen itne sukoon mein dekha tha wahi aaj mile ghabraye hue
Hum ne Mushtaq yun hi khola yaadon ki kitab-e-muqaddas ko
Kuch kaghaz nikle khasta se kuch phool mile murjhaye hue
شاعر کے بارے میں
احمد مشتاق یکم مارچ 1933ء کو امرتسر، برطانوی ہندوستان میں پیدا ہوئے۔ تقسیمِ ہند کے بعد وہ پاکستان ہجرت کر گئے جہاں کچھ عرصہ لاہور میں مقیم رہے، بعد...
مکمل تعارف پڑھیں