تھم گیا درد اجالا ہوا تنہائی میں — احمد مشتاق
شاعر
تھم گیا درد اجالا ہوا تنہائی میں
تھم گیا درد اجالا ہوا تنہائی میں
برق چمکی ہے کہیں رات کی گہرائی میں
باغ کا باغ لہو رنگ ہوا جاتا ہے
وقت مصروف ہے کیسی چمن آرائی میں
شہر ویران ہوئے بحر بیابان ہوئے
خاک اڑتی ہے در و دشت کی پہنائی میں
ایک لمحے میں بکھر جاتا ہے تانا بانا
اور پھر عمر گزر جاتی ہے یکجائی میں
اس تماشے میں نہیں دیکھنے والا کوئی
اس تماشے کو جو برپا ہے تماشائی میں
احمد مشتاق
Tham gaya dard ujala hua tanhai mein
Tham gaya dard ujala hua tanhai mein
Barq chamki hai kahin raat ki gehraai mein
Bagh ka bagh lahoo rang hua jaata hai
Waqt masroof hai kaisi chaman-aarai mein
Shahr veerana hue bahr bayaban hue
Khaak udti hai dar-o-dasht ki pehnai mein
Ek lamhe mein bikhar jaata hai tana bana
Aur phir umr guzar jaati hai yajai mein
Is tamashe mein nahin dekhne wala koi
Is tamashe ko jo barpa hai tamashai mein
شاعر کے بارے میں
احمد مشتاق یکم مارچ 1933ء کو امرتسر، برطانوی ہندوستان میں پیدا ہوئے۔ تقسیمِ ہند کے بعد وہ پاکستان ہجرت کر گئے جہاں کچھ عرصہ لاہور میں مقیم رہے، بعد...
مکمل تعارف پڑھیں