تم آئے ہو تمہیں بھی آزما کر دیکھ لیتا ہوں — احمد مشتاق
شاعر
تم آئے ہو تمہیں بھی آزما کر دیکھ لیتا ہوں
تم آئے ہو تمہیں بھی آزما کر دیکھ لیتا ہوں
تمہارے ساتھ بھی کچھ دور جا کر دیکھ لیتا ہوں
ہوائیں جن کی اندھی کھڑکیوں پر سر پٹکتی ہیں
میں ان کمروں میں پھر شمعیں جلا کر دیکھ لیتا ہوں
عجب کیا اس قرینے سے کوئی صورت نکل آئے
تری باتوں کو خوابوں سے ملا کر دیکھ لیتا ہوں
سحر دم کرچیاں ٹوٹے ہوئے خوابوں کی ملتی ہیں
تو بستر جھاڑ کر چادر ہٹا کر دیکھ لیتا ہوں
بہت دل کو دکھاتا ہے کبھی جب درد مہجوری
تری یادوں کی جانب مسکرا کر دیکھ لیتا ہوں
اڑا کر رنگ کچھ ہونٹوں سے کچھ آنکھوں سے کچھ دل سے
گئے لمحوں کو تصویریں بنا کر دیکھ لیتا ہوں
نہیں ہو تم بھی وہ اب مجھ سے یارو کیا چھپاؤ گے
ہوا کی سمت کو مٹی اڑا کر دیکھ لیتا ہوں
سنا ہے بے نیازی ہی علاج ناامیدی ہے
یہ نسخہ بھی کوئی دن آزما کر دیکھ لیتا ہوں
محبت مر گئی مشتاقؔ لیکن تم نہ مانو گے
میں یہ افواہ بھی تم کو سنا کر دیکھ لیتا ہوں
احمد مشتاق
Tum aaye ho tumhein bhi aazma kar dekh leta hoon
Tum aaye ho tumhein bhi aazma kar dekh leta hoon
Tumhare saath bhi kuch door ja kar dekh leta hoon
Hawaen jin ki andhi khidkiyon par sar patakti hain
Main un kamron mein phir shamaein jala kar dekh leta hoon
Ajab kya is qareene se koi soorat nikal aaye
Teri baaton ko khwabon se mila kar dekh leta hoon
Sahar dam karchiyan toote hue khwabon ki milti hain
To bistar jhaad kar chadar hata kar dekh leta hoon
Bahut dil ko dikhata hai kabhi jab dard-e-mehjoori
Teri yaadon ki jaanib muskura kar dekh leta hoon
Uda kar rang kuch honton se kuch aankhon se kuch dil se
Gaye lamhon ko tasveerein bana kar dekh leta hoon
Nahin ho tum bhi woh ab mujh se yaaro kya chhupaoge
Hawa ki simt ko mitti uda kar dekh leta hoon
Suna hai be-niyazi hi ilaaj-e-naamumeedi hai
Yeh nuskha bhi koi din aazma kar dekh leta hoon
Mohabbat mar gayi Mushtaq! lekin tum na maanoge
Main yeh afwaah bhi tum ko suna kar dekh leta hoon
شاعر کے بارے میں
احمد مشتاق یکم مارچ 1933ء کو امرتسر، برطانوی ہندوستان میں پیدا ہوئے۔ تقسیمِ ہند کے بعد وہ پاکستان ہجرت کر گئے جہاں کچھ عرصہ لاہور میں مقیم رہے، بعد...
مکمل تعارف پڑھیں