اجلا ترا برتن ہے اور صاف ترا پانی — احمد مشتاق
شاعر
اجلا ترا برتن ہے اور صاف ترا پانی
اجلا ترا برتن ہے اور صاف ترا پانی
اک عمر کا پیاسا ہوں مجھ کو بھی پلا پانی
ہے اک خط نادیدہ دریائے محبت میں
ہوتا ہے جہاں آ کر پانی سے جدا پانی
دونوں ہی تو سچے تھے الزام کسے دیتے
کانوں نے کہا صحرا آنکھوں نے سنا پانی
کیا کیا نہ ملی مٹی کیا کیا نہ دھواں پھیلا
کالا نہ ہوا سبزہ میلا نہ ہوا پانی
جب شام اترتی ہے کیا دل پہ گزرتی ہے
ساحل نے بہت پوچھا خاموش رہا پانی
پھر دیکھ کہ یہ دنیا کیسی نظر آتی ہے
مشتاقؔ مئے غم میں تھوڑا سا ملا پانی
احمد مشتاق
Ujla tera bartan hai aur saaf tera paani
Ujla tera bartan hai aur saaf tera paani
Ek umar ka pyaasa hoon mujh ko bhi pila paani
Hai ek khat-e-nadeeda darya-e-mohabbat mein
Hota hai jahan aa kar paani se juda paani
Donon hi to sacche the ilzaam kise dete
Kanon ne kaha sehra aankhon ne suna paani
Kya kya na mili mitti kya kya na dhuan phaila
Kala na hua sabza maila na hua paani
Jab shaam utarti hai kya dil pe guzarti hai
Sahil ne bahut poochha khamosh raha paani
Phir dekh ke yeh duniya kaisi nazar aati hai
Mushtaq! mai-e-gham mein thoda sa mila paani
شاعر کے بارے میں
احمد مشتاق یکم مارچ 1933ء کو امرتسر، برطانوی ہندوستان میں پیدا ہوئے۔ تقسیمِ ہند کے بعد وہ پاکستان ہجرت کر گئے جہاں کچھ عرصہ لاہور میں مقیم رہے، بعد...
مکمل تعارف پڑھیں