یہ کون خواب میں چھو کر چلا گیا مرے لب — احمد مشتاق
شاعر
یہ کون خواب میں چھو کر چلا گیا مرے لب
یہ کون خواب میں چھو کر چلا گیا مرے لب
پکارتا ہوں تو دیتے نہیں صدا مرے لب
یہ اور بات کسی کے لبوں تلک نہ گئے
مگر قریب سے گزرے ہیں بارہا مرے لب
اب اس کی شکل بھی مشکل سے یاد آتی ہے
وہ جس کے نام سے ہوتے نہ تھے جدا مرے لب
اب ایک عمر سے گفت و شنید بھی تو نہیں
ہیں بے نصیب مرے کان بے نوا مرے لب
یہ شاخسانۂ وہم و گمان تھا شاید
کجا وہ ثمرۂ باغ طلب کجا مرے لب
احمد مشتاق
Ye kaun khwab mein chhoo kar chala gaya mere lab
Ye kaun khwab mein chhoo kar chala gaya mere lab
Pukarta hoon to dete nahin sada mere lab
Ye aur baat kisi ke labon talak na gaye
Magar qareeb se guzre hain baarha mere lab
Ab us ki shakal bhi mushkil se yaad aati hai
Wo jis ke naam se hote na the juda mere lab
Ab ek umr se guft-o-shuneed bhi to nahin
Hain be-naseeb mere kaan be-nawa mere lab
Ye shaakhsaana wehm-o-gumaan tha shayad
Kuja wo samra-e-baagh-e-talab kuja mere lab
شاعر کے بارے میں
احمد مشتاق یکم مارچ 1933ء کو امرتسر، برطانوی ہندوستان میں پیدا ہوئے۔ تقسیمِ ہند کے بعد وہ پاکستان ہجرت کر گئے جہاں کچھ عرصہ لاہور میں مقیم رہے، بعد...
مکمل تعارف پڑھیں