یہ ہم غزل میں جو حرف و بیاں بناتے ہیں — احمد مشتاق
شاعر
یہ ہم غزل میں جو حرف و بیاں بناتے ہیں
یہ ہم غزل میں جو حرف و بیاں بناتے ہیں
ہوائے غم کے لیے کھڑکیاں بناتے ہیں
انہیں بھی دیکھ کبھی اے نگار شام بہار
جو ایک رنگ سے تصویر جاں بناتے ہیں
نگاہ ناز کچھ ان کی بھی ہے خبر تجھ کو
جو دھوپ میں ہیں مگر بدلیاں بناتے ہیں
ہمارا کیا ہے جو ہوتا ہے جی اداس بہت
تو گل تراشتے ہیں تتلیاں بناتے ہیں
کسی طرح نہیں جاتی فسردگی دل کی
تو زرد رنگ کا اک آسماں بناتے ہیں
دل ستم زدہ کیا ہے لہو کی بوند تو ہے
اس ایک بوند کو ہم بے کراں بناتے ہیں
بلا کی دھوپ تھی دن بھر تو سائے بنتے تھے
اندھیری رات ہے چنگاریاں بناتے ہیں
ہنر کی بات جو پوچھو تو مختصر یہ ہے
کشید کرتے ہیں آگ اور دھواں بناتے ہیں
احمد مشتاق
Yeh hum ghazal mein jo harf-o-bayaan banate hain
Yeh hum ghazal mein jo harf-o-bayaan banate hain
Hawa-e-gham ke liye khidkiyan banate hain
Unhein bhi dekh kabhi aye nigaar-e-sham-e-bahar
Jo ek rang se tasveer-e-jaan banate hain
Nigah-e-naaz kuch un ki bhi hai khabar tujh ko
Jo dhoop mein hain magar badliyan banate hain
Hamara kya hai jo hota hai jee udaas bahut
To gul tarashte hain titliyan banate hain
Kisi tarah nahin jaati fasurdagi dil ki
To zard rang ka ek aasmaan banate hain
Dil-e-sitam-zada kya hai lahu ki boond to hai
Is ek boond ko hum be-karaan banate hain
Bala ki dhoop thi din bhar to saaye bante the
Andheri raat hai chingariyan banate hain
Hunar ki baat jo poocho to mukhtasar yeh hai
Kasheed karte hain aag aur dhuan banate hain
شاعر کے بارے میں
احمد مشتاق یکم مارچ 1933ء کو امرتسر، برطانوی ہندوستان میں پیدا ہوئے۔ تقسیمِ ہند کے بعد وہ پاکستان ہجرت کر گئے جہاں کچھ عرصہ لاہور میں مقیم رہے، بعد...
مکمل تعارف پڑھیں