یہ کہنا تو نہیں کافی کہ بس پیارے لگے ہم کو — احمد مشتاق
شاعر
یہ کہنا تو نہیں کافی کہ بس پیارے لگے ہم کو
یہ کہنا تو نہیں کافی کہ بس پیارے لگے ہم کو
انہیں کیسے بتائیں ہم کہ وہ کیسے لگے ہم کو
مکیں تھے یا کسی کھوئی ہوئی جنت کی تصویریں
مکاں اس شہر کے بھولے ہوئے سپنے لگے ہم کو
ہم ان کو سوچ میں گم دیکھ کر واپس چلے آئے
وہ اپنے دھیان میں بیٹھے ہوئے اچھے لگے ہم کو
بہت شفاف تھے جب تک کہ مصروف تمنا تھے
مگر اس کار دنیا میں بڑے دھبے لگے ہم کو
جہاں تنہا ہوئے دل میں بھنور سے پڑنے لگتے ہیں
اگرچہ مدتیں گزریں کنارے سے لگے ہم کو
احمد مشتاق
Yeh kahna to nahin kaafi ke bas pyare lage hum ko
Yeh kahna to nahin kaafi ke bas pyare lage hum ko
Unhein kaise bataen hum ke woh kaise lage hum ko
Makeen the ya kisi khoi hui jannat ki tasveerein
Makaan is shahr ke bhoole hue sapne lage hum ko
Hum un ko soch mein gum dekh kar wapas chale aaye
Woh apne dhyaan mein baithe hue achhe lage hum ko
Bahut shaffaaf the jab tak ke masroof-e-tamanna the
Magar is kaar-e-duniya mein bade dhabbe lage hum ko
Jahan tanha hue dil mein bhanwar se padne lagte hain
Agarcha muddatein guzrin kinare se lage hum ko
شاعر کے بارے میں
احمد مشتاق یکم مارچ 1933ء کو امرتسر، برطانوی ہندوستان میں پیدا ہوئے۔ تقسیمِ ہند کے بعد وہ پاکستان ہجرت کر گئے جہاں کچھ عرصہ لاہور میں مقیم رہے، بعد...
مکمل تعارف پڑھیں