زمیں سے اگتی ہے یا آسماں سے آتی ہے — احمد مشتاق
شاعر
زمیں سے اگتی ہے یا آسماں سے آتی ہے
زمیں سے اگتی ہے یا آسماں سے آتی ہے
یہ بے ارادہ اداسی کہاں سے آتی ہے
اسے نئے در و دیوار بھی نہ روک سکے
وہ اک صدا جو پرانے مکاں سے آتی ہے
بدن کی باس نسیم لباس بوئے نفس
کوئی مہک ہو اسی خاکداں سے آتی ہے
دلوں کی برف پگھلتی نہیں ہے جس کے بغیر
وہ آنچ ایک غم بے نشاں سے آتی ہے
سخن وری ہے نظر سے نظر کا ناز و نیاز
عروض سے نہ زبان و بیاں سے آتی ہے
احمد مشتاق
Zameen se ugti hai ya aasman se aati hai
Zameen se ugti hai ya aasman se aati hai
Ye be-irada udaasi kahan se aati hai
Use naye dar-o-deewar bhi na rok sake
Wo ek sada jo purane makan se aati hai
Badan ki baas naseem libas boo-e-nafas
Koi mehak ho isi khakdaan se aati hai
Dilon ki barf pighalti nahin hai jis ke baghair
Wo aanch ek gham-e-be-nishaan se aati hai
Sukhan-wari hai nazar se nazar ka naz-o-niyaz
Arooz se na zaban-o-bayan se aati hai
شاعر کے بارے میں
احمد مشتاق یکم مارچ 1933ء کو امرتسر، برطانوی ہندوستان میں پیدا ہوئے۔ تقسیمِ ہند کے بعد وہ پاکستان ہجرت کر گئے جہاں کچھ عرصہ لاہور میں مقیم رہے، بعد...
مکمل تعارف پڑھیں