اب وہ اگلا سا التفات نہیں — الطاف حسین حالی
شاعر
اب وہ اگلا سا التفات نہیں
اب وہ اگلا سا التفات نہیں
جس پہ بھولے تھے ہم وہ بات نہیں
مجھ کو تم سے اعتماد وفا
تم کو مجھ سے پر التفات نہیں
رنج کیا کیا ہیں ایک جان کے ساتھ
زندگی موت ہے حیات نہیں
یوں ہی گزرے تو سہل ہے لیکن
فرصت غم کو بھی ثبات نہیں
کوئی دل سوز ہو تو کیجے بیاں
سرسری دل کی واردات نہیں
ذرہ ذرہ ہے مظہر خورشید
جاگ اے آنکھ دن ہے رات نہیں
قیس ہو کوہ کن ہو یا حالیؔ
عاشقی کچھ کسی کی ذات نہیں
Ab woh agla sa iltefaat nahin
Ab woh agla sa iltefaat nahin
Jis pe bhoole the hum woh baat nahin
Mujh ko tum se aitmaad-e-wafa
Tum ko mujh se pur iltefaat nahin
Ranj kya kya hain ek jaan ke saath
Zindagi maut hai hayaat nahin
Yun hi guzre to sahl hai lekin
Fursat-e-gham ko bhi sabaat nahin
Koi dil soz ho to kījiye bayaan
Sarsari dil ki waaridaat nahin
Zarra zarra hai mazhar-e-khursheed
Jaag ae aankh din hai raat nahin
Qais ho kohkan ho ya Hali!
Aashiqi kuch kisi ki zaat nahin