غم فرقت ہی میں مرنا ہو تو دشوار نہیں — الطاف حسین حالی
شاعر
غم فرقت ہی میں مرنا ہو تو دشوار نہیں
غم فرقت ہی میں مرنا ہو تو دشوار نہیں
شادی وصل بھی عاشق کو سزاوار نہیں
خوبروئی کے لیے زشتیٔ خو بھی ہے ضرور
سچ تو یہ ہے کہ کوئی تجھ سا طرح دار نہیں
قول دینے میں تامل نہ قسم سے انکار
ہم کو سچا نظر آتا کوئی اقرار نہیں
کل خرابات میں اک گوشہ سے آتی تھی صدا
دل میں سب کچھ ہے مگر رخصت گفتار نہیں
حق ہوا کس سے ادا اس کی وفاداری کا
جس کے نزدیک جفا باعث آزار نہیں
دیکھتے ہیں کہ پہنچتی ہے وہاں کون سی راہ
کعبہ و دیر سے کچھ ہم کو سروکار نہیں
ہوں گے قائل وہ ابھی مطلع ثانی سن کر
جو تجلی میں یہ کہتے ہیں کہ تکرار نہیں
Gham-e-furqat hi mein marna ho to dushwar nahin
Gham-e-furqat hi mein marna ho to dushwar nahin
Shadi-e-wasl bhi aashiq ko sazawar nahin
Khoob-ruyi ke liye zishti-e-khu bhi hai zaroor
Sach to yeh hai ke koi tujh sa tarah-dar nahin
Qaol dene mein taammul na qasam se inkaar
Hum ko sachcha nazar aata koi iqraar nahin
Kal kharabāt mein ek gosha se aati thi sada
Dil mein sab kuch hai magar rukhsat-e-guftaar nahin
Haq hua kis se ada us ki wafadaari ka
Jis ke nazdeek jafa baais-e-aazar nahin
Dekhte hain ke pahunchti hai wahan kaun si raah
Kaaba-o-dair se kuch hum ko sarokaar nahin
Honge qail woh abhi matla-e-sani sun kar
Jo tajalli mein yeh kehte hain ke takraar nahin